Video
Read full review
2018-06-07
182 views
記得年幾前黎食過pizza留下美好印象，今晚係附近行完街又過黎回味下。 由太古小學沿住英皇道行，幾分鐘就黎到隱身於商業大廈既餐廳。好少見dinner set只有兩款牛、一款豬既選項，原來另有五款主菜可以任意加$48升級為包含餐湯、甜品同餐飲既套餐。 係饑腸轆轆既情況下，紅肉為主既餐牌特別岩心水，最後揀左兩款肉食飽d。先黎兩碗羅宋湯，熱辣辣又足料。 餐包預先焗熱至外脆內軟，可惜飲哂湯先送上黎，亦冇附上牛油，令味道打左折扣。安格斯西冷 (Dry-aged) 牛扒伴紅酒牛肉汁 ($326) dinner set第一次食Dry-aged牛扒，比起軟腍、有血水既普通medium牛扒，熟成後完整地鎖住肉汁，保持嫩紅得黎冇滲出多餘水份，肉質亦明顯較扎實。 西冷牛扒輕輕灑上幼鹽後煎至微脆，牛味甘香濃郁，唔洗點醬味道都好豐富。唔起眼既薯菜亦令我眼前一亮。 形態奇妙地有少少似無花果，入口先發現係外皮煙韌、內裡幼滑既焗薯，裹上牛油果醬非常香口惹味，完全係爭住食。 牛扒下埋藏左以蕃茄醬煮成既櫛瓜同彩椒，清新爽甜。椰香辣醬燒春雞 ($168+$48) 轉套餐店員強調需時三十分鐘，最後同牛扒一齊上菜，又唔係想像中
好少見dinner set只有兩款牛、一款豬既選項，原來另有五款主菜可以任意加$48升級為包含餐湯、甜品同餐飲既套餐。 係饑腸轆轆既情況下，紅肉為主既餐牌特別岩心水，最後揀左兩款肉食飽d。
先黎兩碗羅宋湯，熱辣辣又足料。 餐包預先焗熱至外脆內軟，可惜飲哂湯先送上黎，亦冇附上牛油，令味道打左折扣。
安格斯西冷 (Dry-aged) 牛扒伴紅酒牛肉汁 ($326) dinner set第一次食Dry-aged牛扒，比起軟腍、有血水既普通medium牛扒，熟成後完整地鎖住肉汁，保持嫩紅得黎冇滲出多餘水份，肉質亦明顯較扎實。 西冷牛扒輕輕灑上幼鹽後煎至微脆，牛味甘香濃郁，唔洗點醬味道都好豐富。
唔起眼既薯菜亦令我眼前一亮。 形態奇妙地有少少似無花果，入口先發現係外皮煙韌、內裡幼滑既焗薯，裹上牛油果醬非常香口惹味，完全係爭住食。 牛扒下埋藏左以蕃茄醬煮成既櫛瓜同彩椒，清新爽甜。
椰香辣醬燒春雞 ($168+$48) 轉套餐店員強調需時三十分鐘，最後同牛扒一齊上菜，又唔係想像中等咁耐喎。
第一眼以為份量縮水至得返半隻，原來廚房已經將雞一分為二，方便客人進食，只係疊起左姐。
一手撕開雞脾，肉汁就傾盆而出，沿住雞肋流出黎。 雞皮帶焦香，嫩滑既雞肉充滿香草味，可惜椰香辣醬唔太入味，令落單時所想、重口偏泰式風味既期望落空。
值得一讚既係king size既春雞啖啖肉，火候控制得唔錯，厚肉得黎做到僅僅熟，以此質索黎講收費合理。 伴碟既粗薯條即叫即炸，食到底依然夠熱又乾爽，用手食都唔會沾上任何油份。
簡簡單單叫杯凍檸茶飲下，第一次見用啤酒杯大大杯咁上，茶底完全冇加糖夠健康，飲住黎吹水有點chill。
最後既朱古力慕絲蛋糕雖然顏色唔深、亦冇加朱古力片，但食落極度香濃順滑，為今晚畫下完滿句號。
Post
