Video
Read full review
2010-04-03
49 views
兩三年前經朋友介紹下第一次去竹園食飯，當時覺得好抵，好好味。之後仲介紹過其他朋友仔去食添！不過今晚重遊舊地，都覺得好多嘢冇乜點變。連個價錢都冇變，但係食物嘅水準呢........ 就真係下降咗喇！三個人，就叫咗個三位用嘅餐！ 蒸魚︰今次反而覺得條魚蒸得好好，最緊要嘅係唔腥。 炸子雞︰齋睇賣相都已經覺得唔掂，食落口就梗加覺得太乾，而且啲雞皮仲有啲怪味。 (((唔知會唔會因為用千年油炸嘅關係呢？))) 蒸鮑魚︰冇乜特別，又冇乜味！ 蒜茸蒸元貝︰啲蒜茸真係幾香，而且而家仲加啲蟹子上面，好似好靚咁，不過啲元貝肉就細隻過我以前食囉！ 干煎豉油蝦︰呢個真係極之唔掂，除咗味道過鹹之外，啲蝦肉一啲都唔爽口。 蠔油菜心︰我阿媽量少。呢種郊外油菜，冇乜特別，所以費事影！ 牛油芝士龍蝦︰龍蝦比我以前去食時細，而且個汁仲有好多殼，如果會用汁撈飯食的話，就一定要好小心至得！不過都要一讚佢個汁嘅味道依舊咁香，咁好味！之前去果兩次，都係坐卡位，感覺都不錯，但係今晚就真係好唔得囉！成晚俾後面檯果個麻甩佬，郁身郁勢，搞到成張凳都搖吓搖吓，極其討厭及擾人 我阿媽就話，會唔會因為今日係假期，客人多，所以影響咗啲水準！
三個人，就叫咗個三位用嘅餐！
蒸魚︰今次反而覺得條魚蒸得好好，最緊要嘅係唔腥。
炸子雞︰齋睇賣相都已經覺得唔掂，食落口就梗加覺得太乾，而且啲雞皮仲有啲怪味。 (((唔知會唔會因為用千年油炸嘅關係呢？)))
蒸鮑魚︰冇乜特別，又冇乜味！
蒜茸蒸元貝︰啲蒜茸真係幾香，而且而家仲加啲蟹子上面，好似好靚咁，不過啲元貝肉就細隻過我以前食囉！
干煎豉油蝦︰呢個真係極之唔掂，除咗味道過鹹之外，啲蝦肉一啲都唔爽口。
蠔油菜心︰我阿媽量少。呢種郊外油菜，冇乜特別，所以費事影！
牛油芝士龍蝦︰龍蝦比我以前去食時細，而且個汁仲有好多殼，如果會用汁撈飯食的話，就一定要好小心至得！不過都要一讚佢個汁嘅味道依舊咁香，咁好味！
之前去果兩次，都係坐卡位，感覺都不錯，但係今晚就真係好唔得囉！成晚俾後面檯果個麻甩佬，郁身郁勢，搞到成張凳都搖吓搖吓，極其討厭及擾人
我阿媽就話，會唔會因為今日係假期，客人多，所以影響咗啲水準！但我個人覺得應該唔關事囉！
是夜埋單$440 <--- (((但係個餐牌明明寫$438一個餐咖喎？唔通果兩蚊係加一？)))
Post
