船皇 (謝斐道) (Closed)

以前都成日食呢間，因為好鍾意食船麵。但香港好多地方嘅船麵湯底都整得唔好食，而可以做到貼近泰國口味嘅又通常都好貴。不過呢間嘅湯底都算幾似可以喺泰國食到嘅味道，價錢又抵，所以就成日食啦。今日去開銅鑼灣，就再食呢間。🍜重量級和牛船皇湯麵 $63本身船皇湯麵就$58嘅，但加$5就可以升級做淨和牛片，所以就$63啦。年底我揀咗金邊粉，大辣。和牛都有五六片，幾抵。湯底濃郁，好味。不過唔知點解我成日覺得尖沙咀分店嘅份量大碗過銅鑼灣分店好多。不過食完飲啖水之後都算夠飽嘅。