Video
Read full review
2021-10-09
186 views
上星期同朋友相聚，選擇左旺角呢個中心地帶為落腳點。朗豪坊有間好受歡迎既餐廳叫「天吉屋」，自開業以黎反應非常熱烈，深受食客既愛戴，所以我決定帶朋友去朝聖。我同朋友大約 7 點15分到達餐廳，發現人龍排到去遙遠既店外，冇諗過開業兩年後仲係咁多人黎捧場。我地見到店內牆上掛左多張獎狀，展示「天吉屋」連續7年榮獲日本丼聯盟天丼金賞獎，係有品質保證既天婦羅食店🍤。餐牌由以前一頁既單張改為一本多頁嘅小冊，囊括左各款精緻嘅天婦羅丼飯。除左介紹每一個套餐既食材之外，仲有埋精美既插圖添，等食客可以仔細參詳👍🏼我同朋友分別揀左招牌「天吉丼」同埋「天幕御膳」。我地都滿心期待食物到來，希望可以品嚐到美食佳餚。😋食物黎到之前，我地可以先茗茶同埋食椰菜沙律。「天吉屋」提供嘅係牛蒡茶，牛蒡既營養價值高，可以排毒、防癌同埋降低膽固醇。高質既牛蒡茶味道濃郁甘醇，飲後口有回甘同埋淡淡嘅餘香。除左牛蒡茶之外，嗰一大碗前菜係日本直送到港嘅椰菜🥗 可以自行加入香濃嘅柚子醋，酸度適中，帶點鹹味，令人開胃 😋 天吉丼 $118呢碗係朋友點既天吉丼，呢款有齊海紅鯛、黑虎蝦、四季豆、茄子、魷魚、炸紫菜、南瓜🎃同溫泉蛋等，淨係睇佢既賣相，
我同朋友大約 7 點15分到達餐廳，發現人龍排到去遙遠既店外，冇諗過開業兩年後仲係咁多人黎捧場。我地見到店內牆上掛左多張獎狀，展示「天吉屋」連續7年榮獲日本丼聯盟天丼金賞獎，係有品質保證既天婦羅食店🍤。
餐牌由以前一頁既單張改為一本多頁嘅小冊，囊括左各款精緻嘅天婦羅丼飯。除左介紹每一個套餐既食材之外，仲有埋精美既插圖添，等食客可以仔細參詳👍🏼
我同朋友分別揀左招牌「天吉丼」同埋「天幕御膳」。我地都滿心期待食物到來，希望可以品嚐到美食佳餚。😋
食物黎到之前，我地可以先茗茶同埋食椰菜沙律。「天吉屋」提供嘅係牛蒡茶，牛蒡既營養價值高，可以排毒、防癌同埋降低膽固醇。高質既牛蒡茶味道濃郁甘醇，飲後口有回甘同埋淡淡嘅餘香。
除左牛蒡茶之外，嗰一大碗前菜係日本直送到港嘅椰菜🥗 可以自行加入香濃嘅柚子醋，酸度適中，帶點鹹味，令人開胃 😋
天吉丼 $118
呢碗係朋友點既天吉丼，呢款有齊海紅鯛、黑虎蝦、四季豆、茄子、魷魚、炸紫菜、南瓜🎃同溫泉蛋等，淨係睇佢既賣相，已經令人垂涎三尺！整體而言，啲炸物皮薄餡靚，食完都唔覺得好油膩。
「天吉丼」有一個特別之處，就係廚師用左雙蝦炸法，將兩隻黑虎蝦合拼炸成蝦天婦羅，更加突顯鮮蝦彈牙既口感 🍤👍🏼
其他炸物例如茄子🍆、南瓜🎃同炸紫菜都好出色，色香味俱全 👍🏻🍤
「天吉丼」仲有好正既溫泉蛋，溫泉蛋係採用適合生食既日本雞蛋🥚佢外面煎到金黃色，但入面依然係液態流心。
天幕御膳 $148
好快就上埋我點既「天幕御膳」。店員同我地細心介紹左三種品嚐「天幕御膳」既食法。第一種就係將炸物蘸上清爽蘿蔔泥醬汁；第二種係將炸物蓋上米飯，再澆上特製既鹹甜天婦羅醬汁；而第三種食法就係「天茶泡飯」，食客可以灑上紫菜同Wasabi，再加入茶湯，製成茶泡飯。
我地最中意佢地特製既鹹甜天婦羅醬汁，係我地三種方法中最中意既一種～ 😋由於天婦羅嘅份量十足，所以我同朋友encore 左一次木桶飯，慢慢細味每一種天婦羅嘅風味。🍤
「天幕御膳」嘅天婦羅有什錦炸物（洋蔥和魷魚）、黑虎蝦、軟殼蟹、海紅鯛配紫蘇葉、茄子、四季豆、南瓜、炸紫菜。每一款都好出色，個人最中意黑虎雙蝦同埋海紅鯛配紫蘇葉，鮮味十足又脆卜卜，食材選料一流。😋
總括而言，我地覺得價錢合理，因為野食既份量真係好多，而且過左幾年依然冇加過價，係香港少有既高質日本餐廳🇯🇵，所以好想推介俾大家，希望得閒再黎品嚐其他菜式～😇
Post
