BB辣

Open Now

Now Closed

今日同朋友起荔枝角香工買平靚正衫。行完搵晚餐地方，見原來地庫有一間餐廳就入去試。見個2人火鍋套餐有我們至愛的麻辣雞煲，幾吸引就嗌咗。（唔揀雞煲仲可以揀酸菜魚/麻辣水煮魚）火鍋餐跟一碟手切安格斯肥牛，原本以為好細碟，來到原來好大碟，感覺有磅半。雞煲我們嗌咗BB辣，其實比想像中辣，但鍾意食辣的我覺得好正。味道香濃，雞都幾滑，只係略嫌細件左D。食完雞後加湯食火鍋，唔洗豉油都夠味。最驚喜竟然係安格斯牛，好食爽口！食哂整碟真係大滿足。餐牌將肥牛擺配料果行，以為係普通細碟，無唸過咁大碟，睇番原來碟牛都要二舊水，同雞煲都係主角！所以呢個2人餐其實係雙主打，有雞又有牛！最後要讚下個水晶寬粉，好襯雞煲的味，勁彈牙！如果兩個女仔食，其實呢個餐有點多肉，建議其實可以少D牛，但多些配菜，例如加少少餃子/豆皮/响鈴，會更吸引。跟餐加$7有咸檸梳打，以為係比一罐我哋，竟然比冰杯，抵飲！埋單3百幾每人唔洗2舊水，性價比算高。