岩盤牛扒 ミディアムレア ステーキ (博文街) (Closed)

我哋兩個食肉獸，無肉食邊夠飽，開心大發現左呢間鐵板燒扒房，大吃特吃。好，睇吓有咩好食先。首先喺外面買飛，入去坐低等就可以。西冷牛扒400g，原來400g係咁震撼，超厚超大塊牛扒，店員姐姐好功力，煎得好好，切開裏面係三成熟，好乾身，唔會有血水滲出，出面又唔會overcook，食落夠嫩唔韌，呢個價錢，性價比好高。牛柳400g，牛柳順紋切落去好柔軟，比起西冷係無筋位，啖啖肉，正！跟套餐，仲有飯、沙律、湯或者飲品，有飯有菜，唔健康得來都算健康。