老Come煎餅

Open Now

Now Closed

友人介紹天后有間食煎餅，趁假期冇咩人走去試下。舖頭冇堂食唔緊要，外賣一份拎番屋企食又得。煎餅款色都算多，我就叫左個烤鴨煎餅配豆漿。個煎餅有雞蛋丶芝麻丶京蔥丶烤鴨丶青瓜丶薄脆同埋肉鬆。（叫set可以免費一種配料）成份實崩崩，料好足，又香口。大份到一個人要啲時間先可以KO!比個近鏡你睇下！啲料多到爆，下次最好揾個碟兜住，免得跌落地浪費左。而唯一美中不足就係鴨肉偏淡，可以咸少少就完美啦。至於豆漿就正正常常。呢個set盛惠$45，我覺得可以接受，見到個哥哥好有心機整，呢様已經值回票價。下次我要試個甜味煎餅😄