皇室宴會廳

Open Now

Now Closed

迪士尼樂園終於重開了，即刻網上預約帶埋仔仔去玩先！今次入園我哋去咗幻想世界內的皇室宴會廳食lunch，因為有人流管制，室內和室外都有一半座位無開放，所以到左食飯時段真係要等好長時間，我哋中午一入園就去等位，如果坐室外位置可以快d，排隊時要先登記資料先可以進入餐廳，大人小朋友都需要。朋友有金卡全年證，仲有餐廳套餐買一送一優惠，當然要用埋佢啦！兩個餐會收取貴d果個。我哋叫左一份肥牛肉湯拉麵，一份米奇壽司及壽司卷套餐，飲可樂和加$12飲Jasmine Tea。Jasmine Tea可以隨時叫職員幫手加熱水，茶味好香濃，朋友次次都會飲。肥牛肉湯拉麵的肥牛都幾多，配料有半熟蛋，木耳絲和粟米，湯底夠入味，麵夠林身，唔錯。米奇壽司及壽司卷套餐同小朋友一齊食就最啱，蟹柳壽司和卷物都啱小朋友口味，凍凍地的冷麵又好開胃，最後食埋香甜的西瓜就夠哂飽，米奇飯團內係有蟹子吞拿魚的，都好好味。