Cafeholic (Closed)

同同事出去食lunch,平日都好多人，lunch time都坐滿晒。叫左個牛肋條焗飯，可自選燒汁，咖哩汁同白汁。我呢個係燒汁。個飯size唔大，燒汁同牛肋條好夾，牛肉有咬口，焗飯上面加左芝士，有微焦既感覺，好好味。可惜個飯有少少乾身。午餐可以跟杯$20以內既餐飲。其實一入餐廳已經聞到好香既咖啡味，所以我一早決定要熱咖啡。咖啡都幾大杯，唔係一般茶餐廳既咖啡，有即磨既香味，口感細滑。為呢餐加左唔少分數。