滋味館

Open Now

Now Closed

今日遲收工又見有啲肚餓就去咗附近食下小食或者可以當晚飯。見到有間炸雞髀好似好好食咁，自己又好耐冇食過，就走去試吓。外面鋪頭就好似普通魚蛋檔一樣，但裏面有位可以俾你坐。 見到外面燒嘢甘香，原來喺度燒緊雞髀，見到賣相都唔錯，佢哋有一隻係炸雞髀有一隻係小雞，我自己本人就鍾意食燒雞比多啲，貪佢冇乜油，所以叫咗一隻＄20。雞髀外面燒得好乾，以為裏面都好乾，但唔係。外皮好脆，燒到冇乜油，而且外面加左啲鹹鹹地嘅調味粉幾野味，連揸嗰個位都燒到好脆，食埋。食都唔夠喉就要多咗串燒雞軟骨＄12，雞軟骨外面用咗孜然粉去掩，好友重慶燒烤嘅風味。令我有嗌左一串娃娃菜＄10，個賣相好靚佢係上面留咗啲咖喱汁，能打俾幾野味。