Video
Read full review
2010-01-04
4 views
又到除夕la，2009年市道真係好，好多餐廳連week day都book 唔到位。 所以我決定同女友靜靜地係屋企過。 我琴日就放假，但女友要返工，所以我就早ｄ去冧下食咩。之前有朋友同我講過話銅鑼灣世貿中心有間食pizza 幾好味既餐廳叫 “wildfire”。 女友大約19:00 點先收工，所以我 18:30 己經到左“wildfire”睇下有咩食。一入到門口見到好多單張，就順便攞尼睇下，點知原來有 take away & delivery service。不過唔知delivery 要唔要收 charge 所以叫外賣好似化算ｄ！慢慢睇下個menu 原來有個 “movie night”套餐都幾低，＄２５８ 有pizza ，意粉，沙律，雞翼，可樂 １．２５公升，蒜容飽同焦糖拖肥布甸。 見價錢合理同埋都幾多野食，所以就決定order 呢個餐。店員同我講，大約等１５－２０分鐘就ｏｋ。 見有時間，就上左去 ６／ｆ 打一陣機先。話咁快到 19:00 左右就攞埋個外賣女友電話就到ｌａ，等佢知道有野食一定好開心！我地拿拿淋番屋企享受我地呢個二人世界晚餐。小弟家住天后，所以個餐番到屋企都唔會凍，呢個
所以我決定同女友靜靜地係屋企過。 我琴日就放假，但女友要返工，所以我就早ｄ去冧下食咩。
之前有朋友同我講過話銅鑼灣世貿中心有間食pizza 幾好味既餐廳叫 “wildfire”。 女友大約19:00 點先收工，所以我 18:30 己經到左“wildfire”睇下有咩食。
一入到門口見到好多單張，就順便攞尼睇下，點知原來有 take away & delivery service。不過唔知delivery 要唔要收 charge 所以叫外賣好似化算ｄ！
慢慢睇下個menu 原來有個 “movie night”套餐都幾低，＄２５８ 有pizza ，意粉，沙律，雞翼，可樂 １．２５公升，蒜容飽同焦糖拖肥布甸。 見價錢合理同埋都幾多野食，所以就決定order 呢個餐。店員同我講，大約等１５－２０分鐘就ｏｋ。 見有時間，就上左去 ６／ｆ 打一陣機先。
話咁快到 19:00 左右就攞埋個外賣女友電話就到ｌａ，等佢知道有野食一定好開心！
我地拿拿淋番屋企享受我地呢個二人世界晚餐。小弟家住天后，所以個餐番到屋企都唔會凍，呢個時候，女友就好快手攞左部相機慢慢影la!
蒜容飽－好香，唔錯，女友好鐘意
香脆雞翼－個汁好好味，甜甜酸酸，好惹味
凱撒沙侓－份量少左ｄ，都唔錯
芝士煙肉意粉－磨菇好好味，又唔會太鹹，我同女友都好鐘意
Funghi e parma pizza- 呢個 pizza 係成個餐既靈魂，ｄ芝士好軟，而個批夠簿，very good
最後因為太飽，冇食到個布甸，但係呢個餐比個ｄ連鎖pizza店好好多，價錢又合埋，所以各位鐘意食 pizza既朋友一定要到呢間餐廳試試。小弟覺得係香港，唔係咁容易食到好味既pizza，好多都係又貴又唔好食。
今次因為撞啱假期，唔想同人逼，下次平日同女友到堂食試試先，有海景睇，女友應該會好鐘意，ha ha ha ！
Post
