野玩海店 (Closed)

之前同朋友去過野玩系列既分店，得知男友公司附近都開左間野玩店，主題係海為主，好有夏日既感覺，放工約埋一班朋友黎打卡😆。首先會有免費餐包，熱辣辣，好好食✌🏻先叫左一打生蠔做頭盤，個set仲有兩杯飲品送，生蠔好新鮮，中等size，食落都幾肥美爽口，淡淡既海水味，唔錯！之後叫左個黑松露野菌湯，好特別，面包做碗，湯由蘑菇打成蓉而成，質感濃厚，但又唔會過杰，味道好濃，個包吸收晒湯d精華，好食又好飲，份量都幾多。正！牛油果蟹肉沙律，牛油果好香，蟹肉同蟹籽加埋好有口感，沙律菜以火箭菜為主，食落好fresh，配芝麻醬尤其醒胃。雙重芝士汁焗龍蝦海鮮拼盤海鮮拼盤有2個汁可以揀，我地就揀左雙重芝士汁。餐廳非常貼心，食前會提供手套，圍巾同夾，方便客人進食。龍蝦大大隻，肉夠扎實彈牙，拆開個蝦頭啲膏多到呢...🤤🤤另外個拼盤仲有2隻大蝦、青口同埋海蜆，全部都好新鮮，但蜆有小小沙，D海鮮同芝士一齊焗，所以芝士味重得黎又帶淡淡海鮮鮮味，真係雙重口感，甚是滋味。手工薄餅個人平時唔太好pizza, 朋友話呢道pizza 比較薄同脆口, 切成細件方便開心share。都唔錯。P.s 呢間主題店有時會live band 架，