花說 (Closed)

今日同朋友聚一聚 選擇左呢間Pink Cafe 先講環境方面，座位少，所以空間好闊落，坐得舒服。餐廳內有好多影相位，幾靚，岩晒我地呢d少女服務方面值得一讚，因為上晒野食後，侍應竟然主動幫我地影相，仲要係不同角度咁幫我地影好多張，滿足晒我地幾個願望😂食完又會出黎幫我地收野，出面好少cafe係做到呢兩方面，所以服務好好。食物方面，我地嗌左四樣野 :「童真餐」、「白汁蟹柳蟹籽意粉」、「紫薯士多啤梨奶」同埋「獨角獸蛋糕」由於每樣野食外觀都幾靚，睇得出佢地制作用心。- 童真餐其實即係兒童餐，炒蛋好滑，其他同出面食到既一樣。-白汁蟹柳蟹籽意粉估唔到呢個好好味，因為cafe大多數得個靚字，食過好多間d意粉都好唔掂，但呢個意粉既汁量岩岩好，唔會乾亦唔會過濕，意粉亦帶一點彈牙，煮得岩岩好，配埋蟹籽一齊食好好味😋- 紫薯士多啤梨奶 呃like影相一流，不過味道欠佳，紫薯味淡到唔係好飲到，士多啤梨既味好假，好唔天然。- 獨角獸蛋糕好難食，好甜之餘食落係唔知咩味黎😂，同埋質感係好似食緊一啖啖既cream咁，餅底好鬆好易散，同埋唔夠香，所以大家唔好比佢個樣呃左。建議餐廳應該改善一下飲品同甜品既味道。