潮興海鮮酒家

Open Now

Now Closed

假期一家三口黎左呢個三坡坊既大排檔，呢度全條街都full晒咁滯，咁岩呢間有位比我地，咁我地就唔諗咁多啦，點知中伏！！！我地叫左個鹵水鵝，味道係幾好既，不過豆腐就好硬，好似豆乾咁，我就比較中意食滑豆腐多d啦，出面好多鹵水店都做到。蠔餅：大伏！！！我都唔expect佢會好好心機咁煎比我，都知係炸，但多粉到咁都係第一次見，入面數埋都唔知有冇10隻蠔仔，全部係豆豉咁細粒既蠔！我地食左一半都冇食，係比d粉漿suck飽左，超級大伏！！！我地仲叫左個酥炸魷魚(唔記得影)，又一大伏！凍既！！！炸野最基本就係要熱，咁都做唔到？D 魷魚唔知係因為凍左而硬晒定因為佢炸得差，硬到咁我都係第一次食，唉。仲有個呀姐，我地叫啤酒，飲完第一支再叫第二支，飲完第二支再叫第三支，有咩問題？佢話我地點解一早叫定，咁多人要招呼。。。第一叫定會熱晒，第二想再飲先叫，我點會預知自己想飲幾多支？野食唔好食仲要受氣，呢間BLACKLIST得。