深井陳記燒鵝茶餐廳 (Closed)

耐無食燒味 所以晚餐就決定食陳記。入到去未坐低已經見到幾隻螞蟻喺凳同牆上爬黎爬去🤪。未算影響食慾，所以叫左燒鵝瀨粉，60蚊。黎到未食肉，先飲湯。個湯係暖同凍之間，叫侍應俾過一碗熱湯我，侍應態度都好好，佢同師傅反應返，但師傅就話睇住佢啱啱滾，唔會凍，講野好大聲，廳面都聽到，我唔明我呃你做麥。跟住熱湯黎到，諗住終於可以品嚐美食，就發現成份燒鵝大半都係得層皮同肥油，味道都麻麻，如圖。我同侍應反應，佢講返俾師傅聽， 叫師傅切返少少胸俾我，我聽到師傅話我俾上髀啦窩，跟住唔記得講左d麥，但作為食客我覺得佢真係好無禮貌。Anyway,埋單經過燒味檔，d鵝完全發育不良，老店經營多年，咁樣食物水準真係唔多掂，難怪鋪頭貼住話自己開過好多分店都係“曾經”。