Video
Read full review
2017-07-24
1858 views
自己未去過菲律賓, 但菲律賓菜就有食過, 不過次次都係朋友屋企搞PARTY, 西式菲式o麥都有d , 所以其實都唔太知菲律賓菜有咩食, 咁我男人就好鐘意食喱類東南亞野, 所以就搵到喱間, 見d comment 都唔錯所以就提議我男人去試。話說間野個位真係經過過無限次, 但都冇留意到, 個門面唔係太顯眼, 同埋真係幾細的鋪位, 全間野得4張枱, indoor有兩張較大的, outdoor ( 即坐巷仔 ) 有另外兩張其實我地晏就經過時行左入去話想book夜晚, 但佢地都幾hea 咁mark 低你個名就算, 到夜晚去到indoor 的枱都full曬要坐住出面先, 不過都明ge , 咁細間店如果下下因為留左位就唔做其他walk in 生意都幾蝕, 咁我地坐左出面都係5分鐘左右, 入面ge人一走佢地就即俾我地坐入面。野食menu 唔算好多選擇, 但我覺得幾多野都幾吸引呀其實, 店員係菲律賓人, 所以都係要用英文溝通, menu都係英文, 不過其實都唔洗驚, menu 有好多圖, 大概都估到係d咩~ 非酒精飲品, 我試左左下的柑橘水, 係用菲律賓柑橘去整ge ( 超細粒, 入面係超橙色ge )
話說間野個位真係經過過無限次, 但都冇留意到, 個門面唔係太顯眼, 同埋真係幾細的鋪位, 全間野得4張枱, indoor有兩張較大的, outdoor ( 即坐巷仔 ) 有另外兩張
其實我地晏就經過時行左入去話想book夜晚, 但佢地都幾hea 咁mark 低你個名就算, 到夜晚去到indoor 的枱都full曬要坐住出面先, 不過都明ge , 咁細間店如果下下因為留左位就唔做其他walk in 生意都幾蝕, 咁我地坐左出面都係5分鐘左右, 入面ge人一走佢地就即俾我地坐入面。
野食menu 唔算好多選擇, 但我覺得幾多野都幾吸引呀其實, 店員係菲律賓人, 所以都係要用英文溝通, menu都係英文, 不過其實都唔洗驚, menu 有好多圖, 大概都估到係d咩~
非酒精飲品,
我試左左下的柑橘水, 係用菲律賓柑橘去整ge ( 超細粒, 入面係超橙色ge ) , 味道有d淡不過都ok ge, 如果唔想飲酒精飲品都可以試喱個
之後第2杯叫左中間粉紅色杯野就真係中伏啦, 佢係d 椰奶溝d 唔知咩但實在太太太甜, 唔o岩我地香港人的口味,唔推介大家試, 除非你好鐘意超甜野飲.......
菲律賓生力, 大家都應該唔會陌生, 酒吧成日都有得叫, 香港的生力有好多chemical taste 但菲律賓生力好好多
喱支菲律賓生力出ge apple cider我就真係未見過, 係偏甜的cider, 味道都ok
菲律賓啤酒, 都6.9%酒精嫁
野食方面我地點左3個餸
第一個係....食菲律賓野冇理由唔叫的adobo (HKD 85 ), 可以選雞/ 豬腩肉, 我地緊係選豬腩肉, 都炆得好淋, 好食, 但之前去朋友屋企食ge Adobo 就甜d 同埋冇加辣ge, 喱個就有d辣, 但我自己鐘意食辣野所以覺得唔錯
Deep fried King Makarel ( HKD 110 ) 喱個炸魚好好味呀, 又一再證實東南亞地區整炸野食真係好得, 係我覺得最正ge, 推介呀
Crispy Pata ( HKD 120 ) , 德國豬手就食得多, 菲律賓豬手又如何? 我覺得出面的皮炸得好脆, 但我覺得太多o個d 骨膠原o個d位, 冇咩肉食, 豬手我覺得醃得唔夠, 冇咩味, 但佢就俾左一個辣椒豉油同一點甜甜的醬你點, 整體其實都唔錯 ! 可以一試!
賣單HKD 560, 其實成餐飯都唔錯ga , 店員服務都好, 但就坐得辛苦d囉, 同埋間餐廳好多螞蟻, 如果唔mind 喱d 都值得黎試~
Post
