嚐館 (Closed)

呢排夜晚食外賣食到唔知食咩好，原來黃大仙南館開咗間新嘅餐廳未食過，門面仲幾靚，啲甜品真係好吸引，另外佢仲有牛角酥啊，提子酥嗰啲賣。呢間餐廳嘅嘢食都幾多元化，有西式，中式，日式，新加坡，韓式，連茶餐都有好多選擇。✨蘑菇湯：湯既質地帶少少杰身，蘑菇味超濃郁，啖啖好多蘑菇蓉。 塊面包質地仲好鬆軟，加埋牛油好香。✨野菜燒雞扒煎蛋飯：打開望落好豐富，蔬菜款式有好多，有椰菜花、西蘭花、翠玉瓜、雜豆粟米同埋椰菜。雞扒有三件啖啖肉，煎蛋上面又有洋蔥同蔥花，加上醬汁配飯唔錯，個飯量都真係幾多。✨香蒜蕃茄汁燴雞肉意粉：個茄汁幾好味又帶d 蒜香，配料既菇都幾多，雞肉大大件，如果個意粉再煙韌d 就更加正。