金坊泰國美食

Open Now

Now Closed

今次黎到新都城呢間金坊，算係一間唔錯既泰式餐廳，環境好靚，裝修非常之別緻，座位又夠曬闊，真係岩曬一家大細黎慢慢食呀。叫左個馬拉盞炒通菜，味道好特別，調味偏甜味，岩曬唔係好食得辣既朋友仔，甜味唔算太勁，而且好惹味，食落又有油香，通菜好爽脆，唔會太軟，炒到岩岩好斷生，食落好爽口。另外仲叫左個燒雞，外皮燒到好焦脆，望落就好有食慾，而且隻雞份量都好足，皮脆肉嫩既口感，食落d肉仲好juicy，唔會好柴，火喉岩岩好。特色既泰式調味，都係偏向甜甜地，味道好特別。仲有足足2邊雞脾肉，咬落嫩口彈牙。甜品方面，叫左個紅豆馬拉糕，甜度唔算好勁，食落好Q彈，口感好軟熟，真係幾唔錯，岩曬唔鐘意太甜既朋友仔。