金山海鮮酒家

Open Now

Now Closed

六人晚飯，要響油尖旺，想起好耐冇去金山海鮮酒家，所以快快手早兩日訂位最想飲豬肺湯同食燒鵝坐低即落單。豬肺湯好清甜滋潤，六個人剛好每人一碗燒鵝唔肥，女士都話好食，個皮脆又香👍燒腩仔更加好食，肥瘦均衡，皮極脆焗蠔就稍嫌淡味啲啲，而香橙骨甜酸度剛剛好另外有三個小菜，以百花蒸豆腐最正，豆腐極之嫩滑，配合蝦滑一食，口感有唔同層次，要讚個豉油咸甜度相當好配合豆腐再加白飯真無敵加埋啤酒茶介加一，每人二百零幾蚊，咁就開心一個晚上，經濟實惠又美味，難怪座無虛席，飲食市道寒冬嚟計，算係咁啦！