Video
Read full review
2021-06-01
2035 views
幾年前朋友喺「LAB EAT Restaurant & Bar」同我食過生日飯，今年就到我同佢嚟呢度食🎂。年頭因為疫情，晚市禁堂食，搞到我哋遲咗幾個月先見。我印象中餐廳環境無乜點變，不過餐牌好似就唔同咗。網上訂枱有75折優惠🈹，但只限單點菜式。我哋睇來睇去，最終都係揀咗二人晚市套餐($1,288)，計返好似抵食過散叫，而且入面啲菜式都啱食。未正式上菜前，店員先為我哋送上香檳同餐包。扁身嘅麵包暖暖哋，幾軟熟🥖；而枝Moet & Chandon香檳就係跟餐配埋嘅🍾️，放工小酎一杯實屬開心事。新鮮生蠔，我本身唔特別好食蠔，但個餐包咗就試試啦。🦪呢度嘅生蠔OK啵，對我嚟講最緊要係唔腥，第二就係佢都算幾肥美。我本身諗住食唔到就比朋友，但結果我係食咗兩隻㗎😛。煙燻意大利沙甸魚及香醋魚籽，呢個前菜幾有西班牙風味🇪🇸，又好似莎莎。脆皮入面放有沙甸魚粒、蕃茄粒、洋蔥粒同香醋魚籽，夾埋食個汁又酸酸哋，幾開胃🐟。輕煎半熟北海道帶子配菠菜蓉，我估計餐廳係選用刺身級嘅帶子，輕煎令佢保持喺半熟狀態，味道非常鮮甜🤤。底部鋪上菠菜蓉，好睇又好食🌿。牛肝菌湯，湯品夠熱無得輸🔥，牛肝菌味道超濃郁，口感亦好稠厚，似係用咗大量
幾年前朋友喺「LAB EAT Restaurant & Bar」同我食過生日飯，今年就到我同佢嚟呢度食🎂。年頭因為疫情，晚市禁堂食，搞到我哋遲咗幾個月先見。
我印象中餐廳環境無乜點變，不過餐牌好似就唔同咗。網上訂枱有75折優惠🈹，但只限單點菜式。我哋睇來睇去，最終都係揀咗二人晚市套餐($1,288)，計返好似抵食過散叫，而且入面啲菜式都啱食。
未正式上菜前，店員先為我哋送上香檳同餐包。扁身嘅麵包暖暖哋，幾軟熟🥖；而枝Moet & Chandon香檳就係跟餐配埋嘅🍾️，放工小酎一杯實屬開心事。
新鮮生蠔，我本身唔特別好食蠔，但個餐包咗就試試啦。🦪呢度嘅生蠔OK啵，對我嚟講最緊要係唔腥，第二就係佢都算幾肥美。我本身諗住食唔到就比朋友，但結果我係食咗兩隻㗎😛。
煙燻意大利沙甸魚及香醋魚籽
40 views
0 likes
0 comments
輕煎半熟北海道帶子配菠菜蓉
37 views
0 likes
0 comments
牛肝菌湯，湯品夠熱無得輸🔥，牛肝菌味道超濃郁，口感亦好稠厚，似係用咗大量菇菌打蓉製成🍄。但我就略嫌呢款有少少重口味。
法式洋蔥湯
27 views
0 likes
0 comments
澳洲M5和牛牛柳配法國鴨肝
26 views
0 likes
0 comments
澳洲M5和牛牛柳配法國鴨肝，🥩食西餐又點少得牛扒呢？雖然佢係牛柳，無肉眼嗰啲咁大塊，但貴精不貴多嘛。牛柳外層富有炭燒嘅香氣，而肉身呈粉紅色，肉質唔嚡，達到我哋要求嘅五成熟。至於鴨肝就係一如所料嘅入口即溶。
西班牙紅蝦及海膽意粉配魚子醬，🍝意粉嘅配料好豐富，包括西班牙紅蝦、海膽同魚子醬，簡直可以講係每啖都食緊好西。不過其實意粉本身個汁都已經好重蝦香🦐，幾正，但如果選用再幼身啲嘅麵條就可以更掛汁。
廚師每日精選甜品包括提拉米蘇同紅莓雪葩，兩樣味道都唔錯，而且仲好啱我口味添🙆♀️。Tiramisu芝士層好厚，所以口感好滑，但酒味再濃啲就更佳☕️。雪葩好冰凍，紅莓好酸，不過係一個幾夾嘅組合🍧。
總括嚟講，呢間金巴利道著名西餐廳嘅食物質素確係幾高😋，價錢貴就貴咗啲，但都總算令人滿意，加上大時大節食一次都OK嘅🍽。
Post
