Video
Read full review
2024-09-02
5247 views
剛剛上次食Wadasumi嘅時候，發現到呢間咁grand嘅餐廳，之後才知道原來係城中其中一個好有名嘅group旗下一間餐廳，幸好有朋友咁啱識人，難得仲可以book間好靚嘅房，真係無原因唔去。前菜有冰沙酸梅聖女果，蒜蓉拍萵筍 ，陳醋啫喱紅蜇頭，紹興炸臭豆腐，最難忘係臭豆腐，直逼大班樓嘅水準，其他幾個前菜都非常吸引又好食，個人特別愛嘅還有陳醋啫喱紅蜇頭，配搭好新爽同好開胃。朋友話呢到夜晚都有點心食，而且下午飲茶好似都幾推薦，於是點了個小籠包，質素係幾好，而且價錢都幾吸引，值得下次晏晝嚟飲下茶。雲南羊肚菌赤肉燉老火湯真材實料，羊肚菌嘅香令人好難忘，而且佢keep到係好熱嘅狀態，隔離有個朋友差唔多食完都未飲晒碗湯。度度都有叉燒皇，但呢度嘅叉燒皇都好似沙田18咁，蜜汁火焰豚肉叉燒皇上場個個嘩一聲，加上玫瑰露後，當然火光紅紅，而且燒得好香，即場燒完即刻燒俾大家食，絕對係一個打卡嘅菜式。堂蒸香茅基圍蝦上場個一下，我以為佢又係好似個啲桑拿蒸蝦咁，但原來基圍蝦下面就係有新鮮嘅香茅係底蒸，蒸出來嘅蝦剛剛好，最重要係啲蝦好靚，點處理都唔會太差啦。肉餅同蟹的確係好少見嘅配搭，黑豚肉餅蒸蟹呢個味道都幾令人難忘
剛剛上次食Wadasumi嘅時候，發現到呢間咁grand嘅餐廳，之後才知道原來係城中其中一個好有名嘅group旗下一間餐廳，幸好有朋友咁啱識人，難得仲可以book間好靚嘅房，真係無原因唔去。
前菜有冰沙酸梅聖女果，蒜蓉拍萵筍 ，陳醋啫喱紅蜇頭，紹興炸臭豆腐，最難忘係臭豆腐，直逼大班樓嘅水準，其他幾個前菜都非常吸引又好食，個人特別愛嘅還有陳醋啫喱紅蜇頭，配搭好新爽同好開胃。
朋友話呢到夜晚都有點心食，而且下午飲茶好似都幾推薦，於是點了個小籠包，質素係幾好，而且價錢都幾吸引，值得下次晏晝嚟飲下茶。
雲南羊肚菌赤肉燉老火湯真材實料，羊肚菌嘅香令人好難忘，而且佢keep到係好熱嘅狀態，隔離有個朋友差唔多食完都未飲晒碗湯。
度度都有叉燒皇，但呢度嘅叉燒皇都好似沙田18咁，蜜汁火焰豚肉叉燒皇上場個個嘩一聲，加上玫瑰露後，當然火光紅紅，而且燒得好香，即場燒完即刻燒俾大家食，絕對係一個打卡嘅菜式。
堂蒸香茅基圍蝦上場個一下，我以為佢又係好似個啲桑拿蒸蝦咁，但原來基圍蝦下面就係有新鮮嘅香茅係底蒸，蒸出來嘅蝦剛剛好，最重要係啲蝦好靚，點處理都唔會太差啦。
肉餅同蟹的確係好少見嘅配搭，黑豚肉餅蒸蟹呢個味道都幾令人難忘，至少蟹嘅鮮味直接落到個肉餅，送白餅係絕對一流。
金枝秘製牛肉個樣幾得意，個樣完全無諗過係咁，食落去個感覺更好玩，你食下估下佢哋到底係用咩名做呢個秘製牛肉。
好多地方都有蝦多士，呢個手工蝦多士唔算太油，而且有大大隻嘅蝦肉，相信都係城中算做都唔錯嘅選擇，用上勁多嘅芝麻，更加香而且炸得勁脆，愛熱氣嘅人一定啱食。
勁大碟嘅瑤柱蛋白炒飯 ，不過佢嘅炒飯係比較濕嘅一種，夾埋頭先嗰個黑豚肉蟹餅就超perfect。
當晚要趕時間，太趕只能衝衝見到呢個黃金大煎堆一下，好似繼續食，朋友話絕對有老廣東酒家的效果，再加碗桂圓蓮子燉雪耳，感覺非常完美。
可惜今晚唔可以同朋友傾多啲偈，希望佢婚禮一切順利，話咁快原來都識咗佢咁多年，下次再食過。
Post
