新膳川雲南米線

Open Now

Now Closed

見佢啱啱開張，膽粗粗入去試，點知十分有驚喜，仲介紹埋朋友一齊食。平時我都好鍾意食酸菜魚所以都試過唔同餐廳嘅酸菜魚，花都有兩間酸菜魚，但係呢一間非常之出色。首先個金湯酸菜魚個湯非常之好食，個湯底好濃郁，唔會話非常之油膩，但係又非常有鮮味。湯既酸味都岩岩好，米線配有好多魚片，冇骨又好滑，大大塊勁滋味，啲酸菜都係非常之出色，好夠酸味，醃製得好好，又非常淋，同個米線好夾。米線嘅硬度岩岩好，夾埋啲魚食好好味🤩🤤而且我覺得佢個份量都好足夠。小食方面仲叫左炸豬扒，炸粉做得好，豬肉好淋，好好食。已經食過3次，一定會繼續幫襯。