樂天經典 (Closed)

今晚同屋企人出去食中菜 揀左樂天經典因為好掛住佢個金牌脆皮燒雞🧝‍♂️🧝‍♂️點左小菜冇幾耐 小食星洲泰式鳳爪就到🧚‍♂️ 聞到好酸既醋味 好開胃 食落偏甜但辣辣地 似上海風味🧚‍♂️花菇雲耳蒸生魚片有分細中大size 細都已經有八塊 幾多下🧞‍♂️ 蒸生魚片完全無骨 大人小朋友老人家都食得安心🧚‍♂️ 連埋花菇雲耳仲有紅棗片一齊蒸 幾健康 魚片吸埋花菇紅棗香 夠味又唔油膩🧚‍♂️到我最期待既金牌脆皮燒雞啦🧛‍♂️🧛‍♂️ 一上枱就香氣四溢 係酒樓先食到既餸🧚‍♂️ 因為係屋企都無咁大個爐燒烤 唔會煮到 亦係心機菜 所以每次去酒樓都實叫黎食🧚‍♂️ 呢度既燒雞真係燒得好脆皮 外表金黃色 雞肉好滑又juicy🧞‍♂️ 皮唔係好厚又有雞味 連個蝦片都食埋阿 脆卜卜好好食🧞‍♂️金銀蛋浸波菜個高湯好甜 肉碎我覺得比得太多添啦 如果換多啲皮蛋就正啦🧜‍♂️食完飯叫多兩個糖水 椰子西米露湯丸超好食！🧞‍♂️🧞‍♂️湯丸係芝麻餡 好足料 湯丸好煙韌 椰子西米露勁香椰汁椰子味 唔會太甜 食落好潤🧚‍♂️楊枝甘露我就覺得酸左少少 但幾多楊枝🧜‍♂️