屋喔 (Closed)

除夕之後就到元旦，去邊度食嘢都貴，銅鑼灣啲樓上食店就最平。以前都成日去金百利食飯，平時金百利商場買衫人流唔多，估唔到真係3樓轉左做食肆！樓下有個姐姐舉緊牌，落力咁推銷食品，見到似曾相識嘅餐廳喺度開分店，價錢亦不貴，套餐食品多樣化，行完街去咗食晚餐。shakeshake黑松露薯條＄38唔知係唔係太掛住麥當勞嘅薯條，所以麗都咖啡室都要食薯條，黑松露味都好香而且弄得夠胞又有口感，薯條唔錯。以下這個西式套餐就真係款式夠晒多，雜菜沙律裏面有平時食牛扒隔離啲菜，上面就有啲醋，小清新嘅開胃菜。雜菜湯就比想像中dry左少少，類似金寶濃湯⋯野菌奶油蟹肉意大利闊條麵＄102表面除咗蟹肉之外又有蟹子，啲闊條麵依然有口感，撈勻左之後，裏面仲有啲野菌食落夠晒彈性，仲有啲蕃茄奶油汁嘅口味，食得飽。提拉米蘇$12跟餐這杯好大好靚，裏面份量適中，表面係Oreo曲奇，裏面主要係忌廉，沒有咖啡口味，甜味的確實十足。蜂蜜桂圓紅棗玫瑰原價$38（跟餐補$6）玫瑰茶裏面果然料充足，味道甜甜地，如果想減甜可以之後再加滾水，店員亦非常樂意。女人最重要身體，不要常常貪飲凍野，特別是冬天更加沒有飲凍品的道理？（雖然我覺得很難戒口）