奇華餅家 (Closed)

我公司嘅同事頗為喜愛奇華餅家的出品，好多時下午三點三，佢都會去奇華買啲零食，例如：蛋黄蓮蓉酥、豆沙酥、糯米糍…等返嚟請我地食。今日lunch 去中環7 號碼頭行吓，見到有間奇華喺 Subway 隔離，便入去睇吓。通常奇華每星期都會有些餅食、蛋糕或小點做特價，剛巧今個禮拜就做緊迷你老婆餅優惠。平時我都有買開恆香或大同嘅老婆餅，夠晒香脆可口。今次喺奇華就選購咗一包原價 $9, 現減至 $7.50 嘅金腿迷你老婆餅，一包有4件。返到屋企，用焗爐焗翻熱個老婆餅，咬落去個餅微暖，餅皮好鬆化，唯獨個餡料好似食緊金華火腿月咁，始終都係傳統嘅冬瓜蓉餡料或大同嗰隻豆沙餡啱我多啲，這個一試無妨嘅。