Video
Read full review
2018-09-12
69 views
大角咀出哂名就係多野食，但咁多間餐廳選擇，真係花多眼亂，咁岩有位住大角咀既朋友推介我黎金船長食西餐，佢話又抵食又好味，所以就一於試下。一入到餐廳，都感覺到好有西式餐廳既氣氛，裝潢都幾浪漫，岩哂情侶過黎拍拖撐枱腳，環境都唔錯，面積一大小般，座位都係岩岩好夠大，如果四個人坐會有少少迫。Menu都提供左唔少既菜式，岩哂我地中意試好多唔同款式菜既人士，而見到餐廳有特別推介黑松露pizza, 係出名既得獎作品，當然要一試！黑松露菌醬意式馬斯卡普芝士夾心比薩黑松露pizza既全名真係好長呀，第一眼睇落去仲以為係飛碟，食落去同普通pizza唔同，口感似係鋪滿左咸香芝士既多士多d, 呢個pizza有3個食法：1. 就咁食：pizza外脆內軟，黑松露醬再加咸香芝士粉，兩者味道都好出，但又出奇地夾2. 配提子果醋：果醋可以中和芝士咸味，食落去令pizza無咁咸3. 配提子果醋同沙律菜：兩者加埋配合pizza會更清新炸香脆軟殼蟹呢個炸軟殼蟹真係一流，上菜既時候係新鮮炸好，亦唔會太多炸粉，加埋蟹籽蛋黃沙律醬，食落十分香口惹味，即使擺涼左少少都依然香脆。香煎老虎蝦配龍蝦汁意大利飯意大利飯熟既情況剛好，又唔會過硬
一入到餐廳，都感覺到好有西式餐廳既氣氛，裝潢都幾浪漫，岩哂情侶過黎拍拖撐枱腳，環境都唔錯，面積一大小般，座位都係岩岩好夠大，如果四個人坐會有少少迫。
Menu都提供左唔少既菜式，岩哂我地中意試好多唔同款式菜既人士，而見到餐廳有特別推介黑松露pizza, 係出名既得獎作品，當然要一試！
黑松露菌醬意式馬斯卡普芝士夾心比薩
黑松露pizza既全名真係好長呀，第一眼睇落去仲以為係飛碟，食落去同普通pizza唔同，口感似係鋪滿左咸香芝士既多士多d, 呢個pizza有3個食法：
1. 就咁食：pizza外脆內軟，黑松露醬再加咸香芝士粉，兩者味道都好出，但又出奇地夾
2. 配提子果醋：果醋可以中和芝士咸味，食落去令pizza無咁咸
3. 配提子果醋同沙律菜：兩者加埋配合pizza會更清新
炸香脆軟殼蟹
呢個炸軟殼蟹真係一流，上菜既時候係新鮮炸好，亦唔會太多炸粉，加埋蟹籽蛋黃沙律醬，食落十分香口惹味，即使擺涼左少少都依然香脆。
香煎老虎蝦配龍蝦汁意大利飯
意大利飯熟既情況剛好，又唔會過硬，不過龍蝦汁比想像中略咸，而老虎蝦肉質彈牙，亦都十分新鮮
精選2：墨汁麵忌廉香草汁芝士香草雞絲煙三文魚
墨汁麵麵質適中，唔會太淋亦都企身，撈埋香草汁同芝士汁，整個意粉十分香口，會想再叫多碟黎食
蜜糖慢煮烤豬手配蜜糖燒汁
呢道菜亦都係我另外一道欣賞既菜式，豬手烤得好淋滑，肥瘦適中，豬手都幾多肉，再配上蜜糖燒汁，十分惹味。
金鉛長梳乎里
梳乎里發得好鬆好棉，入口即融，不過就有點略甜
心太軟朱古力布甸
心太軟焗得剛好，一桔落去，朱古力應聲流出，朱古力醬偏苦多少少，加埋雲呢拿雪糕中和返個苦味，食落都覺得唔錯。
Post
