茶米 (太古廣場) (Closed)

每日一杯廢水🥤是基本💕基於金鍾無咩選擇，所以決定簡位於太古廣場一樓的「茶米」一飽私慾，食豪啲。因為係常客，早早透過通訊軟件訂座。正值午市12:30 人太多訂座是指定動作，準時入座。主菜方面，餐廳🍴提供不同組合比你簡，套餐包括：主菜及自選小菜一碟+ 精選前菜及甜品🍮+ 豆漿/夏枯草或生熟薏米水（可選凍/熱）/ 加18 蚊轉KIKI茶特飲。麻辣燒蹄花拌麵： 用上KIKI 麵做賣點，麵條不算彈牙，偏焾身，有點黏的感覺，好彩無乾到變麵餅😂，但燒豬蹄好出色，咬落骨肉算易分離，充滿骨膠原，筋位好有咬口，可以係咁LUN。台式三杯雞釜飯：係飯蕉呀，好脆口，帶點濕度，不會太硬，飯香濃。雞肉有點硬，還可接受。KIKI烤茶珍珠鮮奶茶🥤： 茶味淡口比較，奶味濃，珍珠好煙韌，特別用外賣杯上，咁飲吾曬可以拎番公司慢慢嘆。