湕承 · 台式便當

Open Now

Now Closed

湕承 · 台式便當 (金鐘)金鐘夏慤道18號海富中心2座2樓98舖-----好耐好耐有一段時間冇返公司，今日難得返公司，晏晝去咗金鐘海富嗰邊買嘢食，發覺呢度嘅餐廳轉變左唔少，其中一間就係之前未食過嘅呢間台式便當🍱小店。-餐廳裝修幾光猛新淨，而且好多人買所以我同同事都湊下熱鬧，買黎試吓。-✨胡麻手撕雞濃湯燉讚岐烏冬 我叫咗呢一個烏冬套餐，個餐裏面包埋飲品或者小食，驚唔夠食可以免費追加烏冬，幾貼心，由於最近減緊肥（為增磅新年做好準備）所以都係下次先加，主食可以自由轉換，有白米飯 烏冬 米線 新竹米粉 可以揀，而且可以乾拌或者湯燉，整體感覺多樣化，未食都覺得佢應該唔會容易食到悶。手撕雞份量幾多，加埋青瓜、黑芝麻同埋黑木耳，整體幾爽口清新。-✨豬軟骨烏冬 同事食嘅呢一款豬軟骨烏冬，雖然只係食咗一夠豬軟骨，但係都感覺驚艷，豬軟骨濃而不鹹，軟腍入味，香香甜甜咁好滋味，差啲想喺同事度搶多舊黎食🤣🤣。-總括嚟講，整體質素唔錯，而且包埋嘢飲，令到我哋唔會食完飯，再去金鐘廊買杯天仁茗茶飲，所以都ok抵食嘅。