Video
Read full review
2021-02-18
129 views
每次work in office都喺中環金鐘地帶探索外賣🥡 平時向中上環方向比較多，今日同事話不如去下金鐘，話之前同其他同事食過美樂小食幾抵食～ 美樂小食喺海富2樓，平時自己相對少去，好彩有同事帶路😂 係專賣外賣嘅小店，去到就有以下餸菜款式可以選擇～買咗野食就拎號碼牌等，等一陣就有，啱晒無咩時間嘅打工仔！同同事真係各有喜好，我就食肉獸，所以揀咗咸蛋蒸肉餅同叉燒！ 同事就要左煙鴨胸+咸蛋加潤腸～ 鑑於太肉，我地就每人都加咗個節瓜瘦肉湯，諗住有返啲湯水得嚟可以食返少少瓜，平衡一下😂🥢 咸蛋蒸肉餅&叉燒好豐富☺️ 叉燒份量幾多，我分咗啲比同事食！肉餅係比較淋身嘅，好容易就可以同飯一齊夾嚟食☺️ 味道食起上嚟我覺得都唔會太鹹🙆🏻♀️🥢 煙鴨胸+咸蛋&潤腸可以揀潤腸或者腊腸，同事就揀咗潤腸～ 隻咸蛋影相都覺得靚～ 同事表示滿足😊 鴨胸佢比咗舊我食，煮得都啱啱好，雖然略嫌層皮肥咗啲，不過味道係okay嘅～🥢 節瓜瘦肉湯加$6，都算大碗，入面都多瓜架，煮得夠淋🙆🏻♀️ 落咗皮蛋都無話太鹹，所以鹹味應該直接係鹹蛋度嚟，無咩另外落鹽～$52有兩餸飯有湯，真係外賣唔錯嘅選擇，附近返工朋友可以一試💁🏻♀️
美樂小食喺海富2樓，平時自己相對少去，好彩有同事帶路😂 係專賣外賣嘅小店，去到就有以下餸菜款式可以選擇～
買咗野食就拎號碼牌等，等一陣就有，啱晒無咩時間嘅打工仔！
同同事真係各有喜好，我就食肉獸，所以揀咗咸蛋蒸肉餅同叉燒！ 同事就要左煙鴨胸+咸蛋加潤腸～ 鑑於太肉，我地就每人都加咗個節瓜瘦肉湯，諗住有返啲湯水得嚟可以食返少少瓜，平衡一下😂
🥢 咸蛋蒸肉餅&叉燒
好豐富☺️ 叉燒份量幾多，我分咗啲比同事食！肉餅係比較淋身嘅，好容易就可以同飯一齊夾嚟食☺️ 味道食起上嚟我覺得都唔會太鹹🙆🏻♀️
🥢 煙鴨胸+咸蛋&潤腸
可以揀潤腸或者腊腸，同事就揀咗潤腸～ 隻咸蛋影相都覺得靚～ 同事表示滿足😊 鴨胸佢比咗舊我食，煮得都啱啱好，雖然略嫌層皮肥咗啲，不過味道係okay嘅～
🥢 節瓜瘦肉湯
加$6，都算大碗，入面都多瓜架，煮得夠淋🙆🏻♀️ 落咗皮蛋都無話太鹹，所以鹹味應該直接係鹹蛋度嚟，無咩另外落鹽～
$52有兩餸飯有湯，真係外賣唔錯嘅選擇，附近返工朋友可以一試💁🏻♀️
Post
