Cô Thành

Open Now

Now Closed

金鐘出左名係美食沙漠，位於PP一樓嘅Co Thanh餐廳裝修好有特色，少少似大排檔，座位比想像中多，同同事諗唔到食乜都可以考慮下。餐牌係英文同越南語，要睇一陣先知係乜野。選擇都幾多，有各式湯粉同法式包等。我地order左Set Lunch, 包括一款前菜、一個主食和飲品一杯。新年食得太油膩，決定試試紫椰菜沙律、雞絲湯河、越南冰咖啡。紫椰菜沙律幾開胃，椰菜加上醬汁唔會太硬，配上花生同脆片，口感豐富。雞絲湯河湯底清甜，唔油膩，河粉軟硬適中，不喜好莞茜的朋友記得叫走莞茜。越南冰咖啡咖啡濃郁加上煉奶，又香又滑。餐廳嘅員工明顯唔夠，員工仲要細分專責落單同上菜，經常都要等好耐先搵到人。