Apinara

Open Now

Now Closed

年尾多聚會，今日同同事去金鐘食午飯，揀咗呢間米之蓮推介嘅泰國餐廳食個泰式午餐,環境唔錯，坐得舒服，食物又好。Lunch set B ：泰式豬肉炒金邊粉套餐包括了沙律，湯，主食，甜品及飲品。沙律配有菠蘿及燒豬扒粒。湯有冬蔭公及椰汁雞湯兩款選擇，我選了椰汁雞湯，不要辣，味道有驚喜，酸酸的帶少許香茅香氣加上椰汁，好醒胃，而且配料足，很多雞粒及草菇。主食係泰式豬肉炒金邊粉，很有質素，香氣撲鼻，金邊粉炒得有鑊氣，不會疊埋一堆，豬肉片口感剛好。甜品係椰汁西米，入面加咗柚子肉及少少芒果蓉，味道清新。蝦餅$38套餐可以優惠價加配小食，呢個蝦餅金黃香脆，厚身，口感爽口彈牙。泰式肉碎煎蛋飯$118同事唔食得辣，所以呢個走咗辣，d肉碎好惹味，肉汁juicy唔會好乾，撈埋蛋汁一齊佐飯，真係好好食，食兩碗飯都食得落。