Video
Read full review
2010-12-17
6 views
其實我已第四次到訪星馬殿。 適逢今日天氣冷， 正好食碗喇沙（之前都無叫過喇沙食）。金鐘一向係無咩好嘢食， 我指嘅係方便而非酒店形式嘅餐廳。 尤其是午飯時間， 時間唔多， 一個鐘食唔到啲咩嘢。星馬菜一向係我”飛佛“， 尤其係喇沙、海難雞飯、黑油炒貴刁。 但我發覺香港無咩有水準嘅星馬菜。好多間以往出名嘅喇沙店已經出現下滑情況， 料越來越少， 價錢越來越貴。返回來。 星馬殿唔算平， 但我覺得物有所值。 不能夠話抵食， 但值得。 既然咁難搵星馬菜， 貴少少亦無妨。午餐算做有套餐。 我叫了一個海鮮喇沙， 加個牛舌， 凍馬來奶茶。先講奶茶： 很滑， 面頭有泡， 似真係拉出嚟。 可惜味唔夠濃， 飲落唔夠厚。 但都好飲過其它新派餐廳啲奶茶。牛舌： 嘩嘩嘩， 好好推介。 我唔太記得， 佢個Menu寫住配“Samba Sauce”， 唔肯定， 九成係。 好好食。 牛舌炆到好林， 好入味。 一客三塊， 都係＄15， 邊度搵。好， 到喇沙： 先呷口湯， 嘩， 好味， 好夠蝦味同香料味， 最重要係啲辣味係有層次咁出嚟， 可能因為湯裏面有一塊塊乾辣椒片。 個湯好濃好厚， 好有椰香。 料
金鐘一向係無咩好嘢食， 我指嘅係方便而非酒店形式嘅餐廳。 尤其是午飯時間， 時間唔多， 一個鐘食唔到啲咩嘢。
星馬菜一向係我”飛佛“， 尤其係喇沙、海難雞飯、黑油炒貴刁。 但我發覺香港無咩有水準嘅星馬菜。
好多間以往出名嘅喇沙店已經出現下滑情況， 料越來越少， 價錢越來越貴。
返回來。 星馬殿唔算平， 但我覺得物有所值。 不能夠話抵食， 但值得。 既然咁難搵星馬菜， 貴少少亦無妨。
午餐算做有套餐。 我叫了一個海鮮喇沙， 加個牛舌， 凍馬來奶茶。
先講奶茶： 很滑， 面頭有泡， 似真係拉出嚟。 可惜味唔夠濃， 飲落唔夠厚。 但都好飲過其它新派餐廳啲奶茶。
牛舌： 嘩嘩嘩， 好好推介。 我唔太記得， 佢個Menu寫住配“Samba Sauce”， 唔肯定， 九成係。 好好食。 牛舌炆到好林， 好入味。 一客三塊， 都係＄15， 邊度搵。
好， 到喇沙： 先呷口湯， 嘩， 好味， 好夠蝦味同香料味， 最重要係啲辣味係有層次咁出嚟， 可能因為湯裏面有一塊塊乾辣椒片。 個湯好濃好厚， 好有椰香。 料亦十分充足， 天婦羅蝦， 幾隻蝦， 帶子， 魚片， 魷魚片， 等等。 天婦羅加上喇沙湯係一個幾好嘅配合。 其它料， 幾新鮮， 無嘢出錯。 個面底我叫咗個油麵， 我淨係鍾意油麵， 無得解。
一個午餐有咁多嘢食， 已經相當滿足。
總括嚟講， 咁嘅料， 咁嘅水準， 咁嘅裝修， 非常impressive。
附註： 夜晚有火鍋， 喇沙湯底， 睇吓搵晚去試試。
Post