力寶軒

Open Now

Now Closed

中午去到金鐘，諗住試一試力寶軒飲茶食飯，聽人講得多，今次都係第一次，入到去服務員態度很好，很快要找到一個舒適的位置坐低，諗住簡單嗌幾個點心，點知點心好有特色，例如帶子海皇餃，面頭有帶子，入面有鮮蝦，外皮綠色，感覺已經很清新，食落很鮮味。上海小籠包也是滿滿的湯汁，鮮嫩的豬肉，極鮮甜。我鍾意食炸嘢，就買咗炸奶皇包和煙鴨胸鹹水角，果然冇失望，奶皇包外脆內軟，仲要流心，不過記得攤凍少少先食，一啖咬落去其味冇比。另外鹹水角也很驚喜，外皮唔會好厚，非常多餡料，滿滿的一口就是滿足。另外點了一個小食手撕雞配海蜇，又好香嘅麻油味，海蜇爽脆而且細長，唔會碎碎的。好似食冷麵一樣的感覺。再加咗一個煎蠔餅，超多蠔仔🦪，有蛋的脆邊也有蠔仔的軟心。非常配合，一啖一口，非常可口。以為簡單的一個午餐，原來都可以有意外的驚喜，下次真係想再試吓其他點心。