有馬日本料理

Open Now

Now Closed

今日約左朋友喺金鐘食飯，喺哩度返工嘅人都知，哩頭係冇咩野食嘅，所以友人建議試吓哩間喺中信大厦嘅有馬日本料理。餐廳的裝修簡約雅緻成間餐廳感覺舒服，入內有著日本餐廳嘅裝修，旁邊重有幾間細房，入去時需要除鞋，好似榻榻米咁。不過我同朋友因為冇特別訂枱，所以只可以坐中間嘅普通枱。一睇個餐牌，平均都要200蚊以上，咁自然就會覺得佢提供嘅野食，會係高級日本餐廳嘅水準。「鐵板美國薄燒定食」我自己就揀左「鐵板美國薄燒定食」咁佢就送餐麵豉湯同沙律，重有餐飲或甜品。麵豉湯同沙律都係好一般，所以我都冇特別影低。牛肉係薄嘅，中間包著蔥花，燒得還可以，但就咸左啲，就算送埋白飯都感覺到，都幾係普通街邊普通日本餐廳質素甜品可以揀芝麻味雪糕或飲品，我揀左熱咖啡，點知黎左expressso ...食完啲咁濃味嘅牛又撞落去咁濃味嘅expressso，我就覺得不了...埋單時叫侍應，都係不斷講轉頭轉頭，等左15分鐘都未可以過黎，你知我地哩啲返工人士趕頭趕命就唔太好了，總括而言，佢唔係難食，但呢個價錢來講，質素真係普通，性價比好低，可能真係金鐘效應，下次都係落返灣仔算了。