品越越式料理 (遠東金融中心)

Open Now

Now Closed

待業中的我得閒四圍揾朋友食晏, 今日去揾在金鐘返工的好友。金鐘餐廳少, 人又多而且價錢唔平。一早去「品越」揾定位, 11点半去到餐廳可以自由選擇坐位。餐廳面積不太大, 但裝潢時尚, 用餐環境舒適。午餐有14款選擇, 每款六、七十元送飲品。這價錢在金鐘這高級商業區來說, 實屬便宜。坐了不夠十分鐘, 餐廳已經坐滿。下單後, 食物很快便送上。鮮茄蟹肉丸湯檬$68早排到旺角分店已經想點這個湯檬, 可惜當日沒有供應。今天終於可以一試! 鮮紅色的湯檬賣相吸引, 先飲啖湯頭, 有濃郁的蕃茄的鮮甜味。湯內有原個蕃茄肉、芽菜、蟹肉丸及札肉。份量頗為足夠。檬粉口感滑順 。蟹肉丸大大粒, 食落彈牙蟹味重, 幾美味。凍奶茶+$3味道比較甜, 幸好冰多可以中和甜味。