Video
Read full review
2018-04-04
811 views
晌深水埗成長，嚴格嚟講，應該喺石硤尾，中學年代午飯嘅搵食地點一喺石硤尾街市嘅「賓墟」，因為，喺當時最抵食嘅快餐。「賓墟」到依家都仲健在；至於「新金寶」（我讀書年代應該喺叫「金寶」嘅啫），則相對少幫襯，無特別原因，只喺慣性問題。今日陪老爸覆診，晏晝就同細佬嚟「新金寶」食午飯。餐廳內嘅環境，經多年嘅轉變，裝修都比較時尚少少，無咁「老餅」，四四正正，簡簡單單，兩邊喺卡位，中間就4人枱，堆得幾多張就盡擺，所以，感覺到坐滿時有幾逼。門口寫咗個快餐餐牌，A -E共5款，包餐湯及飲品，賣$41/ $43。此外，仲有茶記必備嘅常餐，最平嘅$33就有交易。另外，仲有個大餐牌喺啲碟頭飯，全部都喺大路嘢，所以，就無影喇，反而有個特色湯飯系列，似乎吸引啲，只可惜好後尾先發現到呢個餐牌。青紅蘿蔔煲豬骨好例湯嘅例湯，真喺一堆材料煲滾就算嘅感覺，味道較淡，亦無乜甜味。洋蔥汁豬扒餐肉飯細佬唔食洋蔥但就揀洋蔥豬扒飯，真喺吊詭，呢度啲碟頭大，飯量多，細佬話雖然件豬扒唔錯，都幾鬆化軟腍，個汁又酸酸香香，但啲飯就爛咗啲。楊州炒飯我嘅炒飯又點呢？個炒飯喺即叫即炒，因為都等咗幾耐吓，所下嘅餸料都幾多，但啲飯真喺差咗啲，所以，飯粒
餐廳內嘅環境，經多年嘅轉變，裝修都比較時尚少少，無咁「老餅」，四四正正，簡簡單單，兩邊喺卡位，中間就4人枱，堆得幾多張就盡擺，所以，感覺到坐滿時有幾逼。
門口寫咗個快餐餐牌，A -E共5款，包餐湯及飲品，賣$41/ $43。
此外，仲有茶記必備嘅常餐，最平嘅$33就有交易。
另外，仲有個大餐牌喺啲碟頭飯，全部都喺大路嘢，所以，就無影喇，反而有個特色湯飯系列，似乎吸引啲，只可惜好後尾先發現到呢個餐牌。
青紅蘿蔔煲豬骨好例湯嘅例湯，真喺一堆材料煲滾就算嘅感覺，味道較淡，亦無乜甜味。
洋蔥汁豬扒餐肉飯細佬唔食洋蔥但就揀洋蔥豬扒飯，真喺吊詭，呢度啲碟頭大，飯量多，細佬話雖然件豬扒唔錯，都幾鬆化軟腍，個汁又酸酸香香，但啲飯就爛咗啲。
楊州炒飯我嘅炒飯又點呢？個炒飯喺即叫即炒，因為都等咗幾耐吓，所下嘅餸料都幾多，但啲飯真喺差咗啲，所以，飯粒炒出嚟唔爽身，入口又比較乾，而且，淡唔咗少少。
熱奶茶、凍檸茶睇啲茶杯甩晒色，就知間嘢有幾多年歷史，門面招牌寫住1990，應該喺由金寶轉為新金寶起計。茶記嘅奶茶向來差唔得去邊，眼前杯奶茶都唔錯，茶底香，口感雖然未喺絲般柔滑，至少無嚡口嘅感覺。
搬離石硤尾十多年，變化好大，飯後趁有啲時間，走咗上「嘉頓山」，細看石硤尾嘅變化。由H型公屋，住到改建嘅H型，再到依家四十多層高嘅新樓，實在好有翻天覆地之感。
雖然重遊舊地，但上文都講過，嚟「新金寶」幫襯唔多，無乜懷念感。不過，對石硤尾村則仍有一份緬懷！
Post
