金饍韓國料理 (Closed)

今日lunch又去左搵輝哥攞野，悶悶地一個人想食餐好既，聽老公介紹去左北京道一號食韓國野，金饍。去到都多人等緊，我一個人易搵位d，等左15分鐘左右就有位，餐廳設計唔錯，店員都有禮貌，望下Menu都唔係好貴，叫左個烤雜錦肉Set，雜錦肉有牛，豬，雞。呢個Set係鐵板上，要小心熱，食前仲有三小碟，泡菜唔多辣，麻麻地，餐湯感覺都多味精，重點還是放在烤肉啦，除左肉仲有洋蔥係底，由於鐵板上，係中心位既洋蔥已經全熟，好林，但核心的外圍就仲係生，烤肉方面，我比較中意食牛，牛肉醃得好入味，而且唔硬，好林，其次就是豬，再來是雞。豬同雞其實味道相近，但雞肉我覺得醃得太Over，超入味，係重型既燒烤醬，我覺得不太好味，下一次還是食烤牛肉較好。