象月-泰式休閒餐廳 (Closed)

好抵食嘅lunch，2個人埋單唔洗HKD150。👍🏼👍🏼食左個海南雞飯餐同泰式牛肉船麵餐，追加左一碟四件嘅炸蝦餅。(佢個蝦餅話就話四件，其實就係一大件分左四份。上菜時我同隔離枱都笑左，因為佢都同時上左同一碟野。不過8蚊追加，係咁嫁啦！如果你想佢真係比4舊你嘅就比32蚊啦😂。讚一句，佢炸得幾好嘅😂😂) 每個餐都有跟冬陰公湯/沙律同野飲。湯好足料，好濃味。船麵湯底唔口渴，差d想飲埋d湯佢❤️今次個review 好簡短，不過真心幾好食同幾飽肚，份量啱啱好，可以大大力幫襯佢。