金龍冰室 (Closed)

週日四圍都咁多人，去到觀塘剛巧中午，去到物華街，見到「金龍冰室」舖內差不多坐滿人，就入去試下。室內裝修簡簡單單，門口一直望就見到金龍冰室 四個大字。剛好有食客埋單，唔使等位下可以直入。坐下中間位置，見到隔離卡位剛有人走，我問位伙記可唔可以轉枱，無諗過佢會咁答我，「我新黎呀，我唔知可唔可以轉」🤔🤔🤔，跟住就走左走，最後收銀職員聽到後話可以轉，咁當然轉啦，黎得冰室緊係坐卡位舒服D啦😌😌見到是日快餐都有成12款，仲可以揀飯，意粉，撈丁。其中兩個餐可自選汁有6款比你揀，算係多元化。最終揀左個L 餐: 什扒餐轉撈丁配芝士汁。另外，黎到茶記，通常到會叫個茶餐或者常餐，貪佢夠港式地道。今次叫左個 瑞士汁雞翼湯公仔麵配3.6北海道牛乳炒蛋及奶油多士。先黎兩杯凍檸茶，茶底好淡，無乜茶味。什扒有一隻煎蛋，一條腸，半塊火腿，兩塊豬扒同一塊雞扒。豬扒算厚，煎得夠香口，雞扒亦同樣即煎，夠熱。個麵底並話就話撈「丁」，但一食落去就知唔係出前一丁，失望，希望老細將個撈丁寫為撈公仔麵。而個芝士汁偏喊少少，而芝士味再濃郁D 會更好味。茶餐都算大份，牛乳炒蛋夠滑，有奶香味，多士奶占亦多。而瑞士雞翼滷得唔夠入味，只是外皮有少