岩鹽日本料理 (利舞臺廣場) (Closed)

香港真係有好多日本嘢食，但係銅鑼灣都已經有好多質素唔錯嘅壽司刺身日本料理。岩鹽，會係其中一間，久唔久重訪嘅日本居酒屋或日本餐廳，如果想同朋友傾吓偈坐得舒服啲，呢度都係唔錯嘅選擇。🫧 溫泉蛋蟹肉胡麻豆腐沙律簡單嘅食材，有陣時反而仲好食，日本嘅豆腐出名嫩又有豆腐香，加埋少少芝麻醬同埋雞蛋已經非常開胃，蟹肉可以有提鮮嘅作用。🫧香蔥吞拿魚文碎卷香蔥吞拿魚好似瀑布咁樣，擺盤非常靚，吞拿魚尚算有油香，柔潤感十足。🫧炸甘鯛魚比較少見嘅炸，原條去炸非常乾身脆口，肉質綿密，亦都唔會太過油淋淋。🫧燒鵝肝澳洲和牛釜飯天氣凍咗，有個熱辣辣嘅飯，就啱啱好。上枱嘅時候等漏斗完成，就可以打開個飯丼，鵝肝同和牛都充滿油脂，成個飯非常甘香。加少少和牛汁，已經可以提鮮。如果想試新嘢嘅話，第二round仲可以加啲湯入去，變成茶漬飯，冇咁油膩之餘，仲有第二個食法。🫧蟹味噌甲羅燒伴法包另外仲嗌咗個甲羅燒，鹹鹹香香嘅蟹膏加上去法包上，如果個蟹膏可以再熱少少就一流啦。🫧椰子雪葩每次見到都會嗌嘅甜品之一，雪糕用椰子殼裝上，味道非常濃郁，而且幼滑。勁重椰子味，自己一人食一個都唔太過分。如果唔鍾意食椰子嘅朋友，仲可以揀其他生果，推薦嘅蘋