Video
Read full review
2010-01-13
15 views
時間: 1.30pm 午餐時間一坐低﹐ 準備叫野食﹐ 我地想叫SET LUNCH. waiter 就話比我哋知無珈啡﹐ 要等半個小時﹐ 因為珈啡機壞左﹐ 正在維修。於是我叫左個溫泉蛋白汁意大利粉﹐ 飲ICE TEA﹐ 溫泉蛋要熟蛋。 朋友叫芝士焗蟹柳飯﹐ 未叫野飲。然後waiter 就話無ICE TEA. 只有芒果紅茶。(咁即係無飲品可以揀 -__- !! ) 15 分鐘後﹐ SET LUNCH 有湯跟﹐ 先來左個湯。呢個湯係"扮"磨菇湯﹐ 完全無磨菇味﹐ 好似用鷹粟粉加水打左個"獻"咁﹐ 淡而無味。難飲到極﹐ 我飲兩淡就無飲喇。 飲完個湯﹐ 芒果紅茶仲未來﹐ 於是叫waiter 追一追。25 分鐘後, 溫泉蛋白汁意大利粉來喇﹐ 不過佢地無比熟蛋我﹐ 於是又要叫佢哋換過。 杯芒果紅茶仲未來﹐ 於是又叫waiter 追一追。30 分鐘後﹐ 溫泉蛋白汁意大利粉& 芝士焗蟹柳飯來喇。個芝士焗蟹柳飯好似無蟹柳咁﹐ 得D 芝士鋪係面。好唔得! 唔係人食! 零分! 個溫泉蛋白汁意大利粉就緊緊ok, 10 分滿分﹐ 我比4.99 分。最唔好就係o係LUNCH HOUR 有工人係餐廳拎住一袋二袋垃拾
一坐低﹐ 準備叫野食﹐ 我地想叫SET LUNCH. waiter 就話比我哋知無珈啡﹐ 要等半個小時﹐ 因為珈啡機壞左﹐ 正在維修。於是我叫左個溫泉蛋白汁意大利粉﹐ 飲ICE TEA﹐ 溫泉蛋要熟蛋。 朋友叫芝士焗蟹柳飯﹐ 未叫野飲。然後waiter 就話無ICE TEA. 只有芒果紅茶。(咁即係無飲品可以揀 -__- !! )
15 分鐘後﹐ SET LUNCH 有湯跟﹐ 先來左個湯。呢個湯係"扮"磨菇湯﹐ 完全無磨菇味﹐ 好似用鷹粟粉加水打左個"獻"咁﹐ 淡而無味。難飲到極﹐ 我飲兩淡就無飲喇。
飲完個湯﹐ 芒果紅茶仲未來﹐ 於是叫waiter 追一追。
25 分鐘後, 溫泉蛋白汁意大利粉來喇﹐ 不過佢地無比熟蛋我﹐ 於是又要叫佢哋換過。 杯芒果紅茶仲未來﹐ 於是又叫waiter 追一追。
30 分鐘後﹐ 溫泉蛋白汁意大利粉& 芝士焗蟹柳飯來喇。個芝士焗蟹柳飯好似無蟹柳咁﹐ 得D 芝士鋪係面。好唔得! 唔係人食! 零分! 個溫泉蛋白汁意大利粉就緊緊ok, 10 分滿分﹐ 我比4.99 分。
最唔好就係o係LUNCH HOUR 有工人係餐廳拎住一袋二袋垃拾行來行去﹐ 非常唔衛生!!
食完個飯﹐ 見到隔黎台有人剛剛到﹐ waiter 又係講同一句: 無珈啡﹐ 要等半個小時﹐ 因為珈啡機壞左﹐ 正在維修。(我半個鐘頭前ORDER 有話要等半小時﹐ 而家又係要等半小時?!?!)
食完個飯好耐﹐ 杯芒果紅茶仲未來﹐ 真係火都黎埋﹐ 又要叫waiter 追一追。
杯芒果紅茶黎到﹐ 原來只係用熱水沖茶包。點講都講唔通啦﹐ 我同個waitress 講沖個茶包駛唔駛沖半個鐘呀?!?! 個waitress 仲要駁咀!
兩個人埋單$147﹐ 又難食﹐ 又唔抵﹐ waiter 服務態度又差劣。 有錢都唔好去呀!
Post