鉄人旨花 (Closed)

想試鉄人旨花很久了，這次終於相約HKU骨朋友的起心肝遠征香港大學站一試這間好評甚多的日本餐廳。地點看似偏僻，但其實喺港鐵站行5分鐘直路就會到，尚算方便。黎之前已經做定research食啲咩，但點都循例望望個餐牌😂雖然寫住「晚市定食」，但店員話晏晝都叫得，所以我就叫左期待已久既蒲燒鰻魚一尾($188)。呢個「成條鰻魚飯」真係一啲都冇令我失望！！無論賣相定味道都比我預期更好，而且份量極大，好抵食！鰻魚冇煮到太熟，所以鰻魚有口感得黎唔會韌或好多渣，鰻魚汁亦調味恰當，好好食！另外，我真係第一次要用刀叉食鰻魚😂👇🏻我朋友叫左自選魚生飯。睇都睇到啲三文魚好肥美好新鮮，份量同樣好大。Btw自選list入面仲有和牛同鵝肝揀，都幾特別，下次黎會試下👌🏻午餐仲包沙律、湯同甜品，性價比真係幾高！