鉄火堂 (登打士街) (Closed)

上一次食鉄火堂已經係上年暑假，一直冇機會路過再食，咁啱一個人空閒就去回味一下。餐牌的午餐自選珍寶丼，預設左2切藍鰭吞拿魚，再另外自己選七款，總共有8款，非常抵。我選擇了，火炙藍鰭吞拿魚、蔥碎吞拿魚、火炙三文魚腩、三文魚、甜蝦、玻璃蝦、帆立貝，再加佢原有的藍鰭吞拿魚，望落已經非常豐富。而且味道亦都唔會因為價錢抵而參差，都是在中上水平，每一款都做得幾出色，不相伯仲。見佢啲小食咁抵食，就加咗一款三文魚鰭，先10蚊，佢係偏肥美，油脂非常非常多，好岩我，不過有少少淡口，一定要點沙律醬先好食，建議佢可以落多啲啲鹽。飲品：可樂。埋單HKD 120左右。