銀龍粉麵茶餐廳 (Closed)

上個月去廣州出差左一個星期先發覺香港嘅茶餐廳原嚟咁重要，廣州唔係無下午茶，而係覺得無係香港咁方便，隨便出街穩間茶餐廳就可以滿足咁嘆個下午茶，以前係金龍就食飯餐多，下午茶仲係第一次。呢間茶餐廳環境都算新凈企理，所以都好多后生鐘意嚟呢度飲下午茶。檸檬茶同奶茶每間餐廳都會有，味道都系差唔多，就睇邊間餐廳比較用心去做，飲品一般喇，無話唔好飲，都無話難飲，三文治感覺仲幾OK，火腿肉幾有口感，蛋炒得幾滑，呢個下午茶最好就係呢個，豬扒包唔知係廚師今日失水準定係點，分量大，但味道實在好一般，感覺今日嘅豬扒有D唔新鮮。