百味 (Closed)

來到銅鑼灣，朋友介紹中來到『百味』，地方唔算太大，但幾骨子，連啲靠背椅睇來都幾高級，用D靚木製造而成，可惜我唔知係咩木??跟餐嘅『鱆魚蓮藕湯』都好飲，飯未到時飲下幾滋潤。A2嘅『蝦仁炒蛋飯』，蝦仁大大隻，試吓好唔好味先，嗯，好味彈牙得來有蝦味，炒蛋好滑嫩，送飯一流。A4嘅『鴛鴦腊腸蒸飯』，有腊腸，潤腸，香口好滋味，潤腸平時少食，量多幾滿足，隔離两張檯都有嗌。『酸菜鱸魚鍋』(細)份，啱晒2～3人食，嗌咗微辣唔會太梗，味道適中，魚肉够嫩，正。