螢壽司 (Closed)

又走去食 Omakase，食 Omakase 既感覺其實好舒服，任由師傅決定，唔洗煩食咩，另一方面都會感受到師傅既誠意，今次既 Omakase 包括有 5 件刺身，6 件壽司，2 款熟食，湯同甜品，刺身有比較爽口既金木鯛刺身，然後有柚子味既北海道帆立貝，有自家醬汁既深海池魚壽司，然後就係圖中既生同熟拖羅，熟拖羅真係香到一個點，深深徘徊係我記憶之中，壽司方面有蟹子、秋刀魚、左口魚等等，熟食方面有雜錦天婦羅同油金魚鮫，各方面都取得平衡唔錯唔錯！