香港世界貿易中心會 (Closed)

朋友帶左我去香港世界貿易中心會食晚飯，據知道呢間會所既入會費都唔平，如果唔係跟住會員朋友黎，恐怕都暫時未有機會去呢間會所食野，所以今晚就由朋友黎話事食咩！=]西班牙深海八爪魚沙律 八爪魚一共有三片，味道同平時食平價八爪魚真係好唔同，味道鮮甜且帶有海水味，口感十足～建議不要點旁邊既豉油/wasabi，以免遮蓋鮮味～蝦子扣南美海參 向來知道浸發海參過程繁複，十分花時間～眼前呢條南美海參size頗大，十分名貴，海參口感爽口帶滑～ 獻汁唔算十分濃味，帶點咸香，正好突出海參既味道！ 海參營養價值好高，具有食療作用，也有補腎之效，所以要食多D~~ 玉蘭苗炒牛肉 賣相精緻，將紅蘿蔔刻成蝴蝶形狀，別有心思。牛肉片炒得幾好，唔會過韌，肉味幾重，不過略嫌底下既菜偏油～ 生炒糯米飯 我同朋友都一同大讚呢個糯米飯，糯米飯內有蛋絲、臘腸粒、潤腸粒、蝦粒同蔥花～材料份量好足料，基本上啖啖都食到配料～ 不得不驚訝係呢碗糯米飯炒得粒粒分明，在寒冬下食就特別暖身！係屋企食唔到呢個既味道><，真考師傅既功架～鮮果拼盤 有4款水果，分別係火龍果、西瓜、蜜瓜同品蜜瓜，新鮮多汁～美點雙輝映 食埋小甜品就好