犇之食堂 (Closed)

今日出去銅鑼灣食lunch，心思思想飲珍奶，所以去左食台灣野，順便跟餐飲叫珍奶🧋🤭 呢間餐廳裝修行木質調，分咗戶外吧枱區，同埋室內用餐區。一入到去坐低就會比一個QR code俾我落單，上餐速度都算快，不過要台式餐廳嚟講，呢度嘅價錢就有啲貴。宜蘭鹽酥雞滷肉飯 ($92)佢個滷肉飯同鹽酥雞分開上，呢個安排都幾好，因為滷肉飯啲汁唔會令到鹽酥雞嘅脆皮變淋👍🏻 至於鹽酥雞就好多好大塊，炸到好酥脆，鹽酥味非常香口。而滷肉飯既醬汁，令到個飯好濕潤同入味，我另外加左酸菜(其實係酸瓜)，所以好開胃，我仲可以食晒成碗！凍黑糖珍珠奶茶 (+$18)我叫咗少甜少冰，珍珠既size比較細粒，口感黏糯，但係黑糖味唔算好濃 (可能因為叫咗少甜?!) 個奶茶既茶味比奶味出，但相對地澀味都會多啲。如果要加$18，我下次應該唔會再叫。