京.花朝 (Closed)

聽到「京花朝」呢個名字，感覺名字很美，上到來餐廳就被佢濃濃的中國風吸引住。無論擺設定裝修，都滲透出京滬式味道。很優雅很舒服。雖然店面不太大，但布置的枱與枱之間比較有私人空間，坐得舒服。菜牌好靚，燙金大字寫住京花朝好醒目，菜式齊全，不乏肉食海鮮，當然仲有最出名的片皮鴨。發覺呢間餐廳的侍應服務態度很好，所有人都是笑盈盈的熱情招呼，態度主動而溫和，很令人舒服。冷盤我地揀左麻辣口水雞，涼菜而言，佢都算不錯，雞皮薄而肉質新鮮，冰涼的口感加上麻辣的醬汁，幾好味。酸甜魚柳，份量滿足，魚肉鮮嫩而滑，酸酸甜甜的口感好開胃。我地揀左一款相當邪惡的黃金蝦球，系用咸蛋黃裹上蝦球同青瓜去炸至金黃，口感香脆。甜品我地揀左桂花杞子凍糕同豆沙窩餅，好岩飯後甜一甜。