Crossover Kitchen (Closed)

有晚同朋友食個一次，間見真係唔係咁得。首先服務真係麻麻，見佢指左張枱有個預約牌，好心同個waiter講聲佢竟然話:「咁你坐唔坐丫」，因為趕住食完野去第度唯有算啦。跟住要menu要等、叫野食要等、要等有野食黎，仲有既係要咩無咩，一係就唔齊，四個人食野俾2把餐刀，d waiters真係夠晒經典。跟住d野食真係hea左d，蜜汁雞翼完全唔入味，係煎好先加蜜糖，個焗飯係cheese加千島醬......唔知係唔係我叫左d唔應該叫o既野食，d味道全部怪怪地。成餐最正常係竟然係杯餐飲，最快有人serve係結賬個下。咁樣都仲可以生存，可能係銅鑼灣人太多，供不應求所致。